mazika3almaksho it's your home
 
الرئيسيةالتسجيلدخول

شاطر | 
 

 سيـــــــــــــرة الرســـــــــــول بأكملهـــــــــــــا (صلى الله عليه وسلم ),

اذهب الى الأسفل 
كاتب الموضوعرسالة
dodo_doda
Admin
avatar

انثى
عدد الرسائل : 284
العمر : 25
المزاج : عاديه ولا زعلانه ولا فرحانه
تاريخ التسجيل : 26/07/2008

مُساهمةموضوع: سيـــــــــــــرة الرســـــــــــول بأكملهـــــــــــــا (صلى الله عليه وسلم ),   الخميس يوليو 31, 2008 2:08 pm

الجزء الأول من سيرة الرسول ((صلى الله عليه وسلم )))




الحمد لله والصلاة والسلام على خير خلق الله
اما بعد
باذن الله اليوم هنتكلم عن موضوع من اهم الموضوعات في حياتنا
يا ترى مين قدوتك
صعب جدا ان يكون انسان في الدنيا مالوش قدوة بيقلده
لان الانسان اجتماعي بطبيعته
واي انسان مهما كان هتلاقيه بيقلد حد في في اخلاقه في طريقة مشيته في أي جانب من جوانب حياته
وده مش عيب ابدا في أي حد انه يكون ليه قدوة بيقلده
لما تلاقي مذيع يسال لاعب كورة يقول له مين مثلك الاعلى
يقوله محليا ابو تريكة مثلا وعالميا رونالدينهو
وكل الدنيا كده الممثلين والمغنيين والمصارعين ولاعبو الكراتيه
كلهم ليهم مثل اعلى
فيا ترى مين مثلك الاعلى
عندنا حاجة مهمة جدا قبل متجاوب
مهمة جدا
جدا
اختار لنفسك قبل متجاوب
اختار لنفسك مكان
لاني الاسم اللي انت هتجاوب بيه كمثل اعلى ليك
هتكون معاه يوم القيامة
ايديكم في ايدين بعض
مكان ميروح هتروح معاه
ركز بئا وقول
تحب تكون مع مين في يوم القيامة
فكر
المغنى العالمي صاحب الشعر المنكوش
ولا الراقصة اللولبية لوزة مهلبية
ولا المصارع الجبار اللي صدره زي صدر الحمار
ولا مين ولا مين ولا مين
مين يشرفك تكون ايدك في ايده
مين يسرك انك تروح معاه
مين لما تتزنق وتتمنى حد يشفع لك عند ربك يكون معاك
ويشفع لك في يوم لا ينفع فيه مال ولا بنون
الا من اتى الله بقلب سليم
تعرف ؟
هاقولك على حكاية صغيرة كلنا محتاجينها
بيحكيهالنا سيدنا انس خادم الرسول صلى الله عليه وسلم
جاء رجل الى رسول الله صلى الله عليه وسلم
وقال له يا رسول الله اني احب القوم ولا اعمل بعملهم
قال ( انت مع من احببت )
فقال انس والله ما فرحنا بشئ بعد الاسلام فرحنا بهذا الحديث
عارفين ده معناه ايه
ان لو مثلك الاعلى ناس اتفوقت عليك في العمل لله
برضه هتحشر معاهم
ولا يوجد من يشرفنا ان نكون في جواره وبين يديه يوم القيامة
اعظم ولا افضل ولا احب من حبيبنا سيد ولد ادم حبيب الحق سيدنا محمد صلى الله عليه وسلم
ولا بد لاي حد بيحب حد انه يتكلم عنه كتير ويعرف عنه كتير ويسال عنه كتير
فان شاء الله هيكون لينا اميلات متتالية نتعرف فيها بكل بساطة على مين هذا النبى الكريم اللي ربنا شرفنا بيه
ورفع قدرنا بالانتساب لامته
وهيكون لينا باذن الله الشرف العظيم ان اول من يدخل الجنة هوا سيدنا محمد
واول امة هتدخل الجنة هيا امة سيدنا محمد
صلى الله عليه وسلم
ونكمل في اللقاء القادم باذن الله
والسلام عليكم ورحمة الله وبركاته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mazika3almakshof.ahlamontada.net
 
سيـــــــــــــرة الرســـــــــــول بأكملهـــــــــــــا (صلى الله عليه وسلم ),
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mazika3almakshof :: المنتدي الاسلامي-
انتقل الى: